الخميس، 2 أبريل 2009

قال صلاح جاهين

قال صلاح جاهين
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
---------------------------
وقال صلاح جاهين
ما حد في الدنيا واخد جزاتـــه
و لا حـــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
----------------------------
وقال صلاح جاهين
إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الــفرس
الدنيا قالت .. قام خطفها الشيطان
--------------------------------
وقال صلاح جاهين
يا عندليب ما تخافش من غنوتك
قول شكوتك وأحكى على بلوتك
الغنوه مش ح تموتك
كتم الغنا هو الى هيموتك
-------------------------------
وقال صلاح جاهين
ياللي عرفت الحب يوم و انطـــوي
حسك تقول مشتاق لنبع الهــوي
حسك تقول مشتاق لنبع الغـــرام
ده الحب .. مين داق منه قطره...ارتوي
------------------------------
قال صلاح جاهين
مزيكة هادية الكون فيها انغـــــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟

هناك 12 تعليقًا:

سوبيا يقول...

عندليب ما تخافش من غنوتك
قول شكوتك وأحكى على بلوتك
الغنوه مش ح تموتك
كتم الغنا هو الى هيموتك

اختيار رااااااااااااااائع

تسلم يا عمو

Soul.o0o.Whisper يقول...

عمو العزييييييييييز

بجد البوست راااااااااااااائع


أكتر حاجة عجبتنى


بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه

عندليب ما تخافش من غنوتك
قول شكوتك وأحكى على بلوتك
الغنوه مش ح تموتك
كتم الغنا هو الى هيموتك


بجد تسلم على النقل الجميل يا عمو

خالص ودى

بـِصَمتـِـ أميرة ــــى يقول...

مزيكة هادية الكون فيها انغـــــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ??

الله عليك بجد

أمتعتنى حتى الثماله
يسلمووووووو

تقبل انبهارى
ملكة بحجابى

حاسوباتيه يقول...

بجد حلوين قوي يا عمو وصلاح جاهين غني عن التعريف وعن جمال كلماته

بنت مصر يقول...

قال صلاح جاهين

يا خالق الكون بلحساب والجبر
وخالقني ماشي بلختيار والجبر
كل اللي حيلتي زمزمية أمل
واراي تكفيني لباب القبر
وعجبي !!

شكرا على التوبيك

تحياتي

ريمان يقول...

السلام عليكم

كلمات رائعه جدا جدا

صلاح جاهين فعلا كلامه جميل جدا وفيه حكم كتير


تحياتى ليك

فاتيما يقول...

العزيز الغالى أستاذ محمد
تسلم اختياراتك
بيعجبنى قوى مصطلحاته
فى الرباعيات و الأغانى
و حتى حوارات الأفلام ...
الله يرحمه كان متعدد المواهب و يبدو إن حجم موهبته كان أكبر من إحتماله
فمات كمدا و يأساً
خالص إحتراماتى لحضرتك

شاب كــ طخين ـــــا يقول...

عجبتنى كلمة من كلام الورق
النور شرق بين حروفها وبرق
حبيبت اشيلها فى قلبى قالت حرام
ده انا كل قلب دخلت فيه اتحرق


ربنا يرحمك ياعم صلاح

شكرا على البوست الجميل للشخص الجميل

حزينه يقول...

الله عليك يا جاهين

كلام على بلاطة يقول...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد

البرنسيسة يقول...

وقفت بين شطين على القنطرة
اقول فين الحب ياترى
طلع الحوت وقالى هوالكلام بينقاس بالمسطرة
وعجبى.........

لؤلؤة يقول...

بجد كلمات جميلة حدا من انسان رائع