الخميس، 18 ديسمبر 2008

تاج من الملكه ( مها زين)

  • أبنتى العبقريه ( مها زين) صاحبة مدونة (أنها الحياه) أرسلت هذا التاج

لو كان ينفع أيه العصر الى تحب نعيش فيه ومن يكون الحاكم؟

العصر الذى عاش فيه سيدى محمد عليه الصلاة والسلام

أيه أكثر حاجه تحبها فى رمضان؟

ساعة آذان المغرب

أوصف أجمل فطار ممكن تفطره؟

أن أفطر مع من أحب ولو كان الطعام رشفة ماء.

لو أنتا حاكم هتكون عادل؟ وهتعرف أزاى؟

لن أسمح بالكذب ولا الجوع ولا الظلم , الكل سواسيه أمام القانون العادل

أما هعرف أزاى؟ عندما يخاف الظالم من ظلمه , والكاذب من كذبه

من أكثر أعلامى تحبه؟

حمدى قنديل

لو فيه شغلانه تانيه تختار أيه؟

تاجر

تانى بلد تحب تعيش فيها بعد مصر؟

مكه والمدينه

أوصف ترتيبات أجمل فرح ممكن تحضره؟

فرح لأثنينن بحبوا بعض حب حقيقى, والى حاضرون الفرح يتمنوا لهم السعاده

بتراعى كلام الناس والقيل والقال؟

لاء براعى كلام ربنا وضميرى

لما تحب تهرب من كل حاجه بتروح فين؟

بقعد مع نفسى

أول مره أخدت فيها بالك أنك كبرت؟

لما بنت حلوه زى القمر زى مها زين قامت من على الكرسى

علشان أجلس أنا !!!!!!!!

موضوع السجاير؟؟؟؟؟؟؟؟

أنا بشرب سجاير!!!!!!!!!!!!!!!!!!!!!!!!!!!!

أكثر أله موسيقيه تحبها؟

العود والقانون

ليه الذوق والنخوه أنعدموا؟

لأن الاخلاق سافرت الى الخارج

أيه الحاجه الى لو حصلت هتبقى سعيد؟

لما العدل والاخلاق والنخوه ترجع من الهجره

تعرف أزاى أيدك اليمين من الشمال؟

لما حد يسلم عليا

تحب يكون عندك أملاك ولا فلوس فى البنك؟

فلوس فى الجيب

بحب البحر والنيل وبحب أطير فى الهوا

أنت شخص مجنون ولا عاقل؟

أنا شخص عندى عقل ولكنى أستعمله بجنون.

تقراء كتاب ولا تتفرج على فيلم؟

أقراء كتاب ثم أتفرج على الفيلم

مع تحياتى لمها هانم زين

-------------------------