السبت، 25 أكتوبر 2008

حلم ليلة صيف

حلمت فيما يرى النائم أنى أسير فى شارع منظم رغم أزدحامه,نظيف,يحترم ا لناس
بعضهم,لايتعدى صاحب محل على الطريق,به شرطى ليحافظ على كرامة الناس و

وحرمتهم وحقوقهم.

حلمت فيما يرى النائم أن صاحب الحق يحصل على حقه سريعا وبدون عناء.

حلمت فيما يرى النائم أن الناس أعتبروا من يكذب هو مجرم سواء قال كذبته
بطريقه فيها تلاعب بالالفاظ أو مباشرة.

حلمت فيما يرى النائم أن بعض من تصوروا أنهم أنصاف ألهه قد عادوا الى بشريتهم.


حلمت فيما يرى النائم أن المجتمع يرفض كل أنسان يعتبر نفسه هو فقط الانسان و

وغيره قد خلقه الله تعالى فى خدمته , وأنه فقط من يمتلك عقلا وغيره بحتاج الى
وصايته ورأيه.

حلمت فيما يرى النائم أن القوانين توضع لخدمة الانسان وتيسير أموره .

حلمت فيما يرى النائم أن هؤلاء الذين يكتسبوا ألأموال من متاهة القوانين والقرارات

قد أختفوا وتبخروا من حياتنا.

حلمت فيما يرى النائم أن الناس متساويه فى الحقوق ومختلفه فى الواجبات حسب

مسئولية كل منهم .

حلمت فيما يرى النائم [ أننا جميعا نفكر كبف نتقدم أنسانيا قبل ماديا] .

حلمت فيما يرى النائم[ أن المنافقين مفضحون أمام المجتمع] .

حلمت فيمايرى النائم[أن صاحب الحق ينال حقه].

حلمت فيما يرى النائم[أن السارق لايسمح له بالسرقه مره أخرى].

حلمت فيما يرى النائم[ الاتكون هناك سرقه مبطنه أو صريحه].

حلمت فيما يرى النائم أن مجتمعنا يعين الاذكياء على تنمية ذكائهم

حلمت فيما يرى النائم أن يكون عندنا مدارس وجامعات وطلبه.

حلمت فيما برى النائم أن يشفا مجتمعنا من أزدواج المعايير والشخصيه .

حلمت فيما يرى النائم أن الشباب فى مجتمعنا أحترم عقله وأنسانيته.

حلمت فيما برى النائم أن الفتاه لم تحاول أبراز مفاتن جسدها


حلمت فيما يرى النائم أن الشباب أحترم أنسانية وكرامة الفتاه وتجاهل التى تحاول

أثارة الغرائز.

يبدوا لى أننى سأظل أحلم كثيرا ,ويبدوا أن هذا الحلم سيصبح مثل الحلم العربى

هناك 7 تعليقات:

أختكم فى الله يقول...

يا ريت حلم حضرتك يتحقق يا رب

ان شاء الله

صبرني يارب يقول...

هاتخلينا نحلم معاك ليه بس

خلينا كده ما نحلمش

الاحلام عادت متعبه

تحياتي لك على الحلم ويارب يتحقق واحنا نبنيلك مقام يا استاذنا

esraa يقول...

أهو ده اللي بيحصل لأي حد ينام من غير غطا

وده يعلمنا اننا لازم نتغطي كويس قبل مانام ياحلوين

شويه جد بقي
محدش يعرف
مش يمكن يجي يوم الاحلام تتحقق

Soul.o0o.Whisper يقول...

حلمت فيما يرى النائم
أنى أحلم كثيرا

فلست أدرى إن كان حلمى حقيقة
أو أن هذه حقيقة حلمى


لكن بالتأكيد عندما نستيقظ
لن نرى إلا الله فى كل مكان


خالص تحياتى

rovy يقول...

حلمت معك ايضا يا محمد و اكيد ده حلم كل مصرى او عربى شريف ..
و لكن يبدو ان عندك حق فى انها احلام تنضم الى حلمنا العربى ..

ادعوا الرحمن ان يهدينا للحق و ان نرى اليوم الذى تطلع فيه شمس احلامنا صريحة و دافئه لتحقق كل تلك الاحلام و لكن كيف السبيل و ما زلنا نحلم و نحلم فقط دون اى محاوله لاى خطوه للامام ..

تحياتى

فاتيما يقول...

أستاذ محمد إنت بتحلم تعيش فى الجنة
مع إن ربنا خلقنا عشان نكابد و نصحح من أخطائنا و بيدينا ثواب على تراجعنا عن مجرد التفكير فى الغلط ...
لكن تقول إيه ....
عارف أنا بقى بحلم بأيه ؟؟
أنا بحلم أن ولادنا هما الامل
بجد مش كلام شعارات
يعنى من زمان و من قبل ما أبقى ام و أنا عندى يقين ساذج أن لو كل واحد صلح حياته هوه بس البلد كلها هتبقى جنة ...
و لما بقيت ام قولت بسسسسسس
دنيتى هيا جوزى و ولادى
منفعش الزوج
قولت طيب
كفاية يوسف
و عندى امل اللى علمتهولو لحد ماسابنى يفضل فى روحه و عقله
و ناوية لما يرجع اخليه احسن واحد فى الدنيا دى ...
لما إبنى و إبن خيخة و دوبا و مراكبى و كل كل الناس الحلوة اللى نعرفها يطلعوا حد محترم ...
يبقى مصر بعد 15 أو 20 سنة هتبقى زى ما بنتمنى تكون ....
ربنا يحقق احلامى و أحلامنا كلها
تحياتى يا عزيزى

maha zein يقول...

مثل الحلم العربي
ههههههههههههههههههههه
هو عموما لو بطلنا نحلم نموت
فخلينا نحلم وخلاص مش هنخسر حاجة
احسن ما نعيش فى الواقع المؤلم ونضايق خلينا نعيش فى الحلم

حضرتك ليك وحشة فعلا
انا برغم والله اني ما عندي وقت اعمل اي شىء غير مشروع الرسالىة
الا اني والله قلت اجي اسلم
واطمن حضرتك
واقولك اني اخلص بس من الصعاب دي وارجع تاني ازوركم وتزوروني
ادعيلي بالله عليك الف سلامة