الأحد، 14 سبتمبر 2008

السلام عليكم

رغم أننا فى شهر الصيام لكن أسمحوا لى أن أعرض عليكم هذه الاحصائيه المنشوره على موقع مصراوى ومصدرها

وزارة العدل المصريه

زواج 200 ألف فتاة مصرية من أثرياء مصريين أو عرب أو أجانب كبار السن من غير المتعلمين


255 ألف طالب وطالبة يمثلون نسبة 17% من طلبة الجامعات قد اختاروا الزواج العرفي

ارتفاع نسبة غير المتزوجين بين الشباب المصري إلى 37%.


عدد الشبان والشابات الذين تجاوزوا الخامسة والثلاثين من العمر دون زواج وصل إلى أكثر من 9 ملايين نسمة، من بينهم 3 ملايين و773 فتاة وقرابة 6 ملايين شاب،


السؤال ما هى أسباب هذه الكارثه؟؟؟؟؟؟؟؟؟؟؟؟؟؟



1- العادات والتقاليد


2-عدم الوعى بمعنى الزواج ووظيفته الانسانيه


3-الاختلال الاقتصادى والفكرى فى المجتمع


4-دور الاهل فى أنشاء العلاقه الزوجيه


5-عدم النضج من الشاب والفتاه


6-التركيز على القدره الماديه للشاب بدل من الاهتمام بالقيم والمبادىء التى يؤمن بها فعلا



7-أسباب أخرى



ولنتذكر حديث الرسول عليه الصلاة والسلام بما معناه
أن أتى من ترضون دينه وخلقه فزوجوه ولو بخاتم من حديد والاتكون فتنه فى الارض و
فساد كبير. لاحظوا أن الرسول قد قرن بين الدين وسلوك الشخص وطريقة تصرفه
فى أنتظار رأيكم





ملحوظه :- المقصود من أن الرسول عليه الصلاة والسلام (قد قرن بين الدين و سلوك الشخص) هو الاتى


الدين مكون من 1- عقيده 2- عبادات 3- معاملات


مبادىء التعاملات التى ارساها الله تعالى فى الدين الاسلامى من الواجب أن يلتزم المسلم بالفعل والعمل والاعتقاد بها


فالمسلم لايجب أن يكون كاذبا ويجب أن يكون أمين والايكون خائنا وهكذا من الصفات الشخصيه, وذلك فى أطار من


القواعد المحدده لاسلوب التعامل وفقا للاسلام بصرف النظر من نتعامل معه


أى بأختصار مبدأ واحد للتعامل مع كل الناس بصرف النظر عن عقيدتهم وأخلاقهم




هناك 6 تعليقات:

أختكم فى الله يقول...

يا خبر ابيض

الارقام دى تفجع

ربنا يستر علينا

ويصلح احوالنا

اللهم امين

كل سنة وحضرتك طيب

mohamed يقول...

اللهم أستر وأعن أبنائنا وبناتنا


أختنا فى الله


الله أكبر

صور البلوج عندك رائعه


علقت عندك

دائما مشرفانى

صبرني يارب يقول...

على فكره انا مش متفجأه من الارقام دي

لاني لما بابص حواليا باشوف الوضع فعلا بالبشاعه دي

بحكم ان المنصوره بلدنا مدينه صغيره نسبيا كتير وانا ماشيه فى اي مكان عام اقابل زميلات ليا فى الكليه او المدرسه

انا قربت اكمل 30 سنه كتير اوي بقابلهم لسه ما اتجوزوش من سني للاسف الشديد
غير انى اعرف حوالي عشر بنات من عمر حوالي اربعين سنه ما اتجوزوش

ومن خلال تواجدي على النت اكتشفت ان برضه فى رجاله كتييييييير يمكن اكتر من البنات قاعدين من غير جواز .

فى رايي ان السبب الاساسي مش المشكله الاقتصاديه

لان من الشباب والبنات الى ما اتجوزوش دول ناس كتير اوي معاهم فلوس وفلوس كتير .

انا شايفه انها فى المقام الاول مشكلة مجتمع وافكار غلط
مش بس الافكار الموروثه والتقاليد لا بالعكس
يمكن لو كنا اتمسكنا بالموروثات ما كانش ده حصلنا

الافكار المكتسبه والكلام فى الموضوع ده عايز بوست لوحده يا استاذ محمد

ولو طبقنا تعاليم دينا من غير ما نألف ونمشي ورا الاعلام العقيم المأجور على عقولنا ده هانبقى زي الفل .

شكرا لك على الموضوع المهم اوي اوي اوي ولنا لقاء تاني فيه عندي فى المدونه ان شاء الله

maha zein يقول...

مش عرفة ايه ده
بجد
يا نهار
ربنا يحفظنا بجد
بس والله يا عمو محمد الواحد فعلا بقه يلاقي روحه صعب اوي انه يضحي ويجوز اي حد
يعني
الاول كنت ممكن افكر بشكل مختلف عن دلوقت
دلوقتي
حسة اني لو الشخص اللى هرتبط بيه فعلا مش يستحق
يعني مش ناضج كفاية ومش مثقف ومش عاقل وذكي وطموح
مش هرضا بيه
فيه ناس ماديا كويس
وكناس تشتغل وتجيب فلوس كويسين
لكن
بلاقيهم مفيش ثقافة
مفيش علم
مفيش رقي في الاسلوب
مش عرفة
وهو ده بيتهيقلي بقه سر ان ناس كتير تفكر كذا مرة قبل ما توافق علي حد
انا مش عرفة والله
ايه الصح والغلط
بس بجد ربنا يحفظنا

Soul.o0o.Whisper يقول...

السلام عليكم و رحمة الله و بركاته

أخى الفاضل / محمد ...

يمكن هأقولك مش متفاجأة من الارقام ،
لكن أقول اللهم أعف شباب و بنات المسلمين

الموضوع أكبر من مجرد أحصائيات
و من الأسباب اللى حضرتك ذكرتها كما جاءت فى الإحصائية

تعرف إن لولا الواحد متوكل على ربنا
و سايب له أمر الزواج دا

والله كان الواحد أقلع عن الفكرة دى أصلا

بس بردوا بأقول أكيد فى ناس كويسة ،
أصل لا يمكنتكون الناس كلها بقت وحشة وربنا سايبنا كدا


أما بالنسبة لأن الرسول صلى الله عليه و سلم قرن الدين بالسلوك
فأسمح لى أعترض
الرسول صلى الله عليه و سلم خص من الدين السلوك والأخلاق

أعتقد لو قرأت آخر بوست عندى هتفهم قصدى


خالص التحية لك
و موضوع فعلا فى محله

mohamed يقول...

الاخت صبرنى يارب
-----------
أتفق معكى أن المشكله هى الافكار التى
أصبح المجتمع فى معظمه يؤمن بها
من الاهتمام بالماده وما يدور فى فلكها
من تصرفات ومعتقدات.
المشكله لهم الان أن هؤلاء أناس يؤمنوا بالماده فى مجتمع فقير, فأصبحوا بين حجرى رحى تطلعاتهم الماديه وفقرهم وما ينتج
من أذدواج فى التصرف والفهم


النقطه الثانيه

وهى موجهه لابنتى مها زين
-------------------------

الاحساس بأن الشخص الذى نختاره

هل هو مناسب أم لا؟

هل هو ناضج ويصلح أم سيتغير مع الايام

وكيف لنا أن نتأكد من ذلك

كيف لانخدع فى هذا الشخص؟


النقطه الثالثه
وهى موحهه للاخت
SOUL .0.0.0 WHISPER
------------------
هنالك فرق كبير بين التوكل على الله
والتواكل, فلابد من الاخذ بالاسباب
فلو أردنا شراء مثلا فستان لابد من فحص قماشه والتأكد من صلاحيته ومراجعة
طريقة خياطته,لأننا قد نجد نفس الفستان
بنفس الشكل الخارجى ولكن قماشه سىء أو أن خياطته سيئه

مع تحياتى لكم وشكرا على ابدأ رأيكم