الجمعة، 29 أغسطس، 2008

طبق الشوربه - ورمضان شهر البركات

كثير منا عندما يهل علينا شهر البركات, يبدأ الاستعداد فى توفير متطلبات المائدة الرمضانيه كما تعودنا من لحوم وخضروات وحلويات ومكسرات وغيرها, وبالطبع يحتاج هذا الاستعداد الى مال كثير فى ظل غلو الاسعار التى تزاد من يوم الى يوم وقد تصبح كل ساعه بفعل المتحكمون فى السلع ,أما نحن فعلينا الطاعه والسكوت لآننا لم ننضج بعد أو نصل الى مستواهم الراقى أو بعد نظرهم فى تطويرنا
عموما يبدو لى أنه جحود منا لجهودهم الالكترونيه , وندعو الله أن يصبرهم علينا .
فنحن لانفهم .
ونحن لانقدرهم .
ونحتاج نحن الى سنين طويله لنصل الى بدايه الطريق لفهم حكمتهم .

مااااااااااااااااااااااااااااعلينا

ما هى حكاية طبق الشوربه
يبدو أن الكثيرون سيحرموا من طبق الشوربه الذى نفطر عليه بعد الصيام .
وقد يحرموا من طبق الخضار وطبق الارز
وغالبا سيحرموا من اللحوم
وبالتأكيد لن يقتربوا من الحلويات

لكن والحمد لله وحده لن يحرموا من الماء والهواء
سؤالى ؟
لمن عنده القدره هل فكر ماذا سيفعل جاره
كيف سيمر عليه هذا الشهر الفضيل على
جاره المطلوب منه أطعام أهل منزله وسداد مصاريف المدارس ومحاولة ستر أولاده فى العيد
أنا لدى أقتراح بسيط
القادر ماليا مطلوب منه أن يكلف السيده زوجته أن تقوم بتوصيل عون مالى الى زوجة هذا الجار
وكما تعودنا فى المناسبات أن نرسل بعض من الاطباق المميزه الى جيراننا فما المانع أن نفعلها وبتوسع حتى لانجرح شعور جيراننا
كل واحد يساعد على قدر طاقته , خصما من مصاريف التبذير والتباهى
وصدقونى مقدار السعاده والفرحه ستكون أكبر وأرقى.
أما الثواب فهو من عند الله تعالى رازق الكل.
كل سنه وأنتم طيبين

هناك 14 تعليقًا:

maha zein يقول...

تمام تمام
كلامك عال اعال
والله انا هقول لماما علي الفكرة دي
فعلا
احنا ممكن بدل ما نجرح شعور الفقير
نبعتله طبق حلويات ولا طبق اكل
بجد اد ايه الواحد بيتمني يعمل في رمضان ده خير كتير
ربنا يكرمك ويعزك
انت غبت ليه الفترة اللى فاتت
غبت
صح؟

mohamed يقول...

ست البنات وأخف دم بنتى مها زين
مين قال لجنابك أنى غبت
يوميا بدخل على مدونتك أنها الحياه
وأيضا أقلع همومك
أنتى بس مش واخده بالك
أنا بخش مره بأسم محمد
لما أكون على مدونتى
مشاعر وأفكار
http://kalamfekalamm.blogspot.com
وساعات بخش بأسم mohamed
لما أكون على مدونة شوية كلام الى أحنا فيها دلوقتى
على فكره يا مها البلوج بتاع رمضان الى انتى عامله فوق الرائع
أنتى وأى وساجى رائعين
كل سنه وانتى بكل خير

بنت سيناء يقول...

رائع الكلام بس الاهم الفعل..جزاك الله خير عن كلامك هذا الله يوفقك يارب

mohamed يقول...

بنت سينا
كل سنه وأنتى طيبه
الاسلام من الفعل أسلم على وزن أفعل
الاسلام هو الاعمال التى تؤكد صدق العباده وتغلغل تأثيرها بداخل نفوسنا
وعندها تظهر فى تصرفاتنا
الاسلام هو أسلام الوجه والقلب لله عز وجل
وأخلاص القلب هو أهم شىء لانه محل النيه
ما نحن فيه سببه أهتمامنا بالظاهر والمظاهر وتركنا صدق النيه والاخلاص لله
فى كل عمل
فمن تغطى شعرها ولاتتقى الله فى قلبها ولايسلم الناس من لسانها ماذا نقول عنها ( نتركها لله)
أما من أحسنت التصرف وكل عملها لوجه الله تعالى وأن كان شعرها ظاهر نشكر لها سعيها ونكن لها عوننا فى الالتزام فى الظاهر كما هى ملتزمه فى الباطن
كل سنه وكلمحبى الاسلام بخير وسعادة

Soul.o0o.Whisper يقول...

محمد

كلامك سليم جدا
فعلاياريت كل واحد يبص للى اقل منه
هيحس اولا انه فى نعمة
ثانيا ياريت فعلا نمد ايدينالبعض

لكن لان كل واحد بيقول ياللا نفسى
او لانه شايف نفسه اقل كتيييييييييير من ناس تانية
و يمكن بردوا لاخلاقيات الناس الايام دى
كل واحد بيفضل يقفل الباب على نفسه

لكن بردوا هنقول رمضان كريم
و هنيالك يافاعل الخير والثواب :)

كل سنة وانت طيب
و تقبل خالص التحية

mohamed يقول...

يارب
عالج المصريين من الانانيه
ارهم الحق حق وأرزقهم أتباعه
وأرهم الباطل باطل وأرزقهم أجتنابه
soul .0O0. whisper
الله الله الله
أكبر
فوق كل كبير
نورتينى وشرفتينى

واحدة مفروسة يقول...

محمد انا آسفه انى رفعت البوست بتاعي بعد تعليقك
و ده لان كتير نصحوني بكده
فمش تزعل من فضلك..

واحدة مفروسة يقول...

اه بالمناسبه
هو مش بيبقى ليه اى حاجه ولا مرتب و لا مكافئات ولا اي حاجه
هههههههههههههه
تقريبا هوه اللى بيدفع

mohamed يقول...

واحده مفروسه
أنا أسف جد أنى سببت ليكى أزعاج مكنش قصدى أنتى أخت فاضله ومحترمه, أنا كنت بهزر
مع تحياتى وأحترامى ليكى ولزوجك

mohammed salah يقول...

السلام عليكم

" سباق رمضان انعقد ، والجنة تزينت لمن اجتهد فشمر وقل لن يسبقني إلى الله أحد"

كل عام وانتم بخير

mohamed يقول...

محمد صلاح
السباق لمن سبق
ومن أخلص النيه وطهر القلب
ومن عمل كما أمر الله
وكما علمنا رسول الله عليه أفضل الصلاة والسلام
يارب
أجعلنا ممن تتكرم عليهم بقبول العمل
يارب أمنن علينا بمضاعفة الثواب
محمد صلاح
شرفت
وفقت
وقبلت عند الله كعبد يحبه
الغبوديه لله منتهى الحريه

كيارا يقول...

يااااااااااريت ده يتم

كل سنه وانت طيب

mohamed يقول...

كيارا
-----
كيارا شرفى لى أنك تشرفينى بزيارتك
تقبلك الله تعالى القبول الحسن ورضى عنك وأرضاك

كيارا يقول...

اميييييييييين يارب والشرف ليا اني ازور حضرتك في مدونتك