سيظل المسجد الاقصى مسجدى

قال صلاح جاهين

قال صلاح جاهين

بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

---------------------------

وقال صلاح جاهين

ما حد في الدنيا واخد جزاتـــه

و لا حـــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

----------------------------

وقال صلاح جاهين

إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الــفرس

الدنيا قالت .. قام خطفها الشيطان

--------------------------------

وقال صلاح جاهين

يا عندليب ما تخافش من غنوتك

قول شكوتك وأحكى على بلوتك

الغنوه مش ح تموتك

كتم الغنا هو الى هيموتك

-------------------------------

وقال صلاح جاهين

ياللي عرفت الحب يوم و انطـــوي

حسك تقول مشتاق لنبع الهــوي

حسك تقول مشتاق لنبع الغـــرام

ده الحب .. مين داق منه قطره...ارتوي

------------------------------

قال صلاح جاهين

مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

أمى هبة الله ورحمته

اليكى يامن أشتقت لرؤياها

اليكى يانور العين

اليكى ياروح القلب

اليكى حبا تفيض به ذرات جسدى

اليكى كل نبضه من قلبى

اليكى كل أعمالى أهبها أبتغاء مرضاة الله تعالى

أحيا فى حياة عشتها معكى

وأشتاق لكل نظره من عينيكى ولمسه من يديكى

أمى

حبك هو من أعطى لحياتى معنى

أسمحى لى يا أمى

أن أهنىء كل أم مثلك بيوم الام , وأن أهنىء أم يوسف أعاد الله أبنها الى أحضانها والى كل أم أحترام ومحبه

الجواز وسنينه كلمات أمين الديب

البت باتعه .. بنت زيد عبد الصبور

اللي أمها يوم عرسهاكان عفشها .. حلّة وبابور

ومعاه كمان صندوق خشب

كان أصله سحارة صابون

فيه بنستين والمكحلة

ومراية والفلاية والملقاط

وحجر

وليفة ومبخره

وقزازة كان فيها البخور

وجوز صحون ومنٍخُلين

..والطشت والقروانه والغربال

..ومقشّه ليف ...ومقشتين عرجون

زيروزلعة وقلتين وماجور

وحصيره من سوق التلات

ولحاف بإيدها منجداه

ومخدتين والوش كان دمُّور
في الانفتاح

علي رأي صاحبي

والانبطاح

وفتحنا مصر سداح مداح

ونسينا حي علي الكفاح

والشعب محكوم بالسلاح

اتلخبطت كل الأمور

وقيم كتير

وعادات كتير اتغيرت

من ضمنها غًلو المهور
البنت دي

بنت أم باتعه مش عاجبه حد في مشيها

إكمنًّها .

. مشيت طريقها لوحدهاوالأسرة

غابت عنًّها

مشغولة عنها بعبئها

سايبينها هيًّ وشأنها

وإكمنًّها مستهدفه

الأجنبي ومعاه غبي فكّر لها

قال أولا

:ترفض معيشة أهلها

ترفض أوامر ربها

ترمي الحياء والانتماء ورا ضهرها

تقطع جدورها بنفسها
أوعز لها

إزاي حتعرض لحمها

وتبان مفاتن جسمهامن ضفرها .. لأعلي خصله ف شعرها

عمل الصالات .. تعرض موضات

والاعلانات .. ماليه الشاشات

بالشنبوهات والتسريحات

وحاجات كتير فرحت بها

تاهت ونسيت نفسها

وتكلًّمك ربع الكلام بالأجنبي

وتقول هالو ..

.بنت أم باتعه تقول هالو

مرسيه يا شوشو وثانك يوو

لكَمٍ يا توتو وياللا جو

وكبار شيوخ المسلمين ما عرفش ليه مًتلجًّمين

والمسئولين... فتحوا الببان علي وًسعها
قام قال سلامة ألمًّها

يمكن تغيّر فكرها

ترجع لدينها و ربهاوتعيش حياتها بحلوها و بمرها
راح لـ أمها ..

.يخطبها منها وقال لهابصراحه بنتك ..

عاوزه حد يلمّها

وأنا قدّها

قالت : وماله

البنت يلزمها الجواز

شخشخ جيوبك .. واشتري ياللا الجهاز

قال : اطلبي ...

قالت : تجهز شقه .. قد أربع إوض

أحسن نابوليا في البلد

وتجيبها من دمياط

وتجيب نجف من غير عدد

والمكنسة بشفاط

والدِش قبل الدٌش

والفيديو والبوتاجاز

وتجيب لها تلاجة ستاشر قدم

وتجيب لها قبل الجواز ...

الفرو والمحمول

وتجيب لها غسالة فول

لأنا قصدي فول توماتيك

شقتها كاملة ..زي أي بوتيك
وتجيب لها قبل الجهاز

الشبكة طقم من الدهب

أنا مش حاقولك ألماظ

وتجيب لها فستان زفاف

من غير كمام من غير كتاف

علشان يبين صدرها

وتبان مفاتن جسمها

وتجيب غوازي تزفها

واللي اسمه إيه شهر العسل

في الشرم واللا الغردقة

وبلاش أمور البعزقة

آدي مطلبي

إن كنت قادر مهره

اقرَّب لها

أنا مش حاميّل بختها ..
قال : يا ام باتعه حاجيب منين

أنا لاني راجل مرتشي

ولا أحب أجيب بالدّين

ولا أرضي بالتقسيط .

.الطاق بيبقي طاقين

ويكتّبوني شيكات

أو أمضي علي ايصالات

علي إنها امانات

وحكاية مش هيّ

لو بس فات شهرين

مادفعتلوش قسط

ينبدل المحامي اتنين

حايجيب له رفض الشيك

ومصيبه وقضيه

ومش حاقولك عالقرف

وحاجات مخلًّه بالشرف

اما البوليس والمحكمه

حابقي ف نظرهم منحرف

وباكسر القوانين
شوفي يا ام باتعه

أنا عندي شقه محندقه

معقوله ماهش ضيقه

فيها يادوب أوضتين

وعملت جمعيه

مع ناس أماره زيكم

وقبضتها ألفين

وادي اللي عندي وقلتلك بصراحه

وبإذن واحد أحد

ربًّك حايفرجها ..

وباتعه حتريَّحك .. وتعيش مرتاحه
قالت له: قم من هنا

قم فضها سيره

أنا احترمتك .. عشان الأهل والجيره

بتقولي الفين جنيه ؟!!

وانا اللي قال بافتكر ..باتعه حاتخد بيه

حافظ علي كلمتك يا اهبل ..

وخلًّيك زوق

دي باتعه طول عمرهادايما تبص لفوق

لاحمر ولاخضر

وشي محزَّق وبنطلونات

والشعر فوق كتفها سايح

وفي الكوافير

مش كل طير يندبح

خد دش وانت تفوق

وتفوق لنفسك

وتتكلم كلام موزون

وفرضنا انت اللي عاقل

والمستمع مجنون !
ألفين جنيه للغوازي واللا للمأذون ؟!!

فيه ناس كتير زيكم مش عايشة في الدنيا.

مابتسمعوش الرداوي .. واللا تلفزيون ؟!!

شفت اللي بيقدمه الحاج متولي ؟!!

الشقه بالعفش كامله..

وفلوس كتير في البنك

كتبه لعروسته ..

دَا غير اللبس والمصاريف

شايفاه بعيني

ولا واحد غريب قاللى

كل المسلسل تابعته دقيقه بدقيقه

هوالحاج متولي إلاهي لم يشوف ضيقه

راجل صحيح مًقٍتًدًر

كل البنات عاوزاه

وباتعه بنتي ..إلاهي يكون نصيبها معاه

مش جاي تقولي الشباب !!

أنا ناقصه هَمٍ تقيل
قال : يا ام باتعه اسمعيني

كل دا تمثيل

قالت له: ده قصر ديل

وبلاش كلام فاضي

الشعب راضي

مافيش غيرك عامل لي تقيل

ما تكونش ماهر يا شاطر

واسم أبوك عطار

والشاي علي النار

وقاعد لسَّه عالرمله

والحلوه تيجي تلاقيك

فارش لها المنديل !!

قال : يا ام باتعه

دي ناس بتوزع الأوهام

ساعدوا العدو بجهلهم

في الحرب عالإسلام

وأنا مش بالوم جهلهم

اللوم علي الإعلام
قالت : خلاصة الكلام

أنا بنتي مش من وقمكم

شوفولكو ناس علي قدًّكم

أنا بنتي حلوه مثقفه

حافظه الأغاني كلها.

أحدث شرايط عندها.

دي لما تلبس بنطلونها الجينز

كل الشباب تجري وتخطب ودّها

ونانسي عَجرم نفسها

ما تجيش في خصله ف شعرها

ولا تيجي ضفر ف رجلها

طب والنبي ...لو شافها واحد أجنبي

ليجيب لها.كل اللي ييجي ف نفسها .
*******شعر: أمين الديب

حوار بين عمنا العبقرى صلاح جاهين وأخونا الرائع على سلامه .

قال الرائع صلاح جاهين

------------------

ساعات أقوم الصبح، قلبي حزين

أطل برا الباب، ياخذني الحنين

اللي إشتريتو إنباع، واللي لقيته ضاع

واللي قابلتو راح، وفات الأنين

وأرجع وقول: لسه الطيور بتحن، والنحليات بتطن، والطفل ضحكه يرن

مع إن، مش كل البشر فرحانين

حبيبي سكر مر طعم الهوى

فرق ما بينا البين، ما عدناش سوى

حرام عليك يا عذاب، نبقى كده أغراب

دا البعد جرح من غير دوا

وأرجع وقول: لسه الطيور بتحن، والنحليات بتطن، والطفل ضحكه يرن

مع إن، مش كل البشر فرحانين

أدي اللي كان، وأدي القدر وأدي المصير

نودع الماضي وحلمه الكبير

نودع الأفراح... نودع الأشجان

راح إللي راح ومعدش فاضل كتير

إيه العمل دي الوقت يا صديق

غير إننا عند إفتراق الطريق نبص قدمنا،

ع شمس أحلامنا نلقاها بتشق السحاب العميق

وأرجع وقول: لسه الطيور بتحن، والنحليات بتطن، والطفل ضحكه يرن

مع إن، مش كل البشر فرحانين

أستمع أخونا الموهوب على سلامه الى كلمات عمنا صلاح جاهين

وقال

-------------------------------------------------

ضَيعّت شوية سنين كدة ...
بَحب من بعيد لبعيد...
والحكاية مقّضيّانى ...
ومبسوط وراضى وسعيد ...
أفرح بأى حَاجة ...
واستنى هدُوم العيد ...
وبَعدين ضَيعّت شوية سنين ...
نفسى أبقى أشطر واحد فى الكيميا ...
مع أنى مش فاهم ميدان الجيزة ...
والحياة رغم قسوتها ...
شايفها لذيذة ...
وضيعت شوية سنين بقى ...
نفسى أعدَّى اختبارات الكورة ...
فى النادى الأهلى ...
واشتغل فى وكالة ناسا ...
وابقى واحد من العلماء المهمين ...
وبعدين ضيعّت شوية سنين ...
منتهى أملى كرسى فاضى ...
فى أُتُوبيس تلات خَمسات ...
عين الصيرة أم المصريين ...
وضيعّت شوية سنين ...
عايز أفهم الفرق ...
بين النّكسة والهزيمة ...والاحترام وقلة القيمة ...
وأبقى نجم سيما ...
م المشهورين ...
وبعدين ضيعت شوية سنين ...
واقف عند نظرية المؤامرة ...
لـا عارف اعيش ف الزمالك ...
ولا راضى أعيش فى غمرة ...
ومش عارف لية الحشيش ممنوع ...
مدام مصرحين بالخمرة ...
وياترى بقى أتجوز ...
واحدة بيضة ولا سمرة ...
ولا اسأل فيها ...
رجال الفتوى والدين ...
وضيّعت شوية سنين ...
مركز ف السّيراميك ...
والبيبان والشبابيك ...
وألوان الحيطان ...
وده بيج وده سن فيل ...
والموضة الأصفر ...
وقشر الموزة ...
وضيعّت شوية سنين ...
لا انا بحر ولا نيل ...
حاجة كدة بعيد عنك ...
ملهاش عُوزة ...
ولمّا بقيت كام وخمسين ...
لقيتنى لسّه ...
بَحَب من بعيد لبعيد ...
وبرضُه مش فاهم ...
مِيدان الجيزة ...

-----------------

أنصت الى الاثنين منتبها ومتأملا , فهما حديثهما لايمل , وكلاماتهم صادره من القلب

المعانى والمشاعر التى تفيض من هذه الكلمات

تجعلنى أستعيد كلمات صلاح جاهين

-----------------------------------------------

علم اللوع أضخم كتاب على الارض

- بس اللى يغلط فيه يجيبه الارض

-أما الصراحه فأمرها سهل

-لكن لاتجيب المال ولاتصون عرض

لكم تحياتى

بدون تعليق--- تحرش أسرائيلى

أستنكر مجمع البحوث الاسلامية بالأزهر الشريف

===========================

إساءة القناة التليفزيونية الإسرائيلية "العاشرة" فى برنامج لها للرسول محمد صلى الله عليه وسلم.

ووصف المجمع هذه الإساءة للرسول الاعظم محمد صلى الله عليه وسلم

بالسلوك المشين غير المقبول والمرفوض

-----------------------------------------------------

والذى يؤذى مشاعر المسلمين فى جميع أنحاء العالم .

--------------------------------------------------

وحذر مجمع البحوث الاسلامية

---------------------------------

هذه القناة الإسرائيلية من بث تلك الأعمال المسيئة للرسل عليهم السلام

، حيث سبق وأساءت إلى المسيح عليه السلام

مؤكدا أن مثل هذه الأعمال تؤدى إلى الصراع بين أهل الديانات المختلفة بدلا من لغة

الحوار

=============================================

، كما تؤثر سلبا على الحوار بين أتباع الديانات السماوية.

==============

ماذا حدث !!!!!!

فى البرنامج الفكاهى الاسرائيلى والذى سبق وصفوا السيد المسيح

عليه السلام والسيده العذراء مريم بألفاظ لايمكننى كتابتها فهى لاتصدر الا

من هؤلاء السفله

ألان وفى نفس البرنامج يقوم أحد هؤلاء السفله بالاشاره الى شىء ويقول

هذا محمد

وتتعالى الضحكات !!!!!!!!!!!

أما رد الفعل فهو أن نقول سلوك مشين وغير مقبول ونحذر

وأن هذه تؤدى الى صراع بين أتباع الديانات وتؤثر سلبا مش عارف

على أيه ولا أيه

المطلوب مبدئيا طرد مراسلى هذه القناه السافله ومنع دخولهم نهائيا

أليس هذا أضعف وأقل تصرف

سؤال لكل من يريد أن أن يجادل ؟

ماذا يفعل هؤلاء السفله لمن يحاول فقط أنكار حدوث الهولو كوست؟

ألم يحبس كاتب أوربى لمجرد أنه ناقش حقيقة الهولوكوست

أم أن مقدساتنا رخيصه ومقدساتهم غاليه

حسبى الله ونعم الوكيل

التحرش

أذا سألنا أى أنسان سوى- ما هو أصعب موقف تتعرض له ويجعلك على أستعداد أن تقاتل من يعرضك له؟
===================================================
الاجابه
--------
ستكون من يهدر كرامتى كأنسان ويستبيحها .
سؤال
---------
ما هى الاسأه التى تتعرض للكرامه الانسان؟
==========================
الاجابه
---------
هى أيذاءه معنويا أو ماديا---- معنويا بسبه أو نعته بما ليس فيه----ماديا بالتعدى على جسده ضربا أو تعذبيا.
أو التعدى على ما يخص هذا الانسان سلبا أو أغتصابا أو أحتيالا بغرض سلبه منه وأعطاؤه لطرف أخر ليس له حق فيها

سؤال
---------
ما هو التحرش ؟
============
هو التعدى على الغير وأيذاؤه وبمعنى أخر---- التحرش هو التعدى والاساءه للكرامه البشريه
ماهو أنواع التحرش؟
=============
1- تحرش على المستوى الفردى
2-تحرش على مستوى الجماعات البشريه
3-تحرش على مستوى الدول
ولنبدأ بالاخير
-------------
الاستعمار الاستيطانى فى فلسطين تحرش بالشعب الفلسطينى
أما الثانى
-----------
فهو أهدار حقوق جماعات من البشر ومنعهم من حقوقهم
أما الاول
--------------
التحرش على المستوى الفردى
===============
فهو يمكن أن يكون بغرض قهر أى أنسان سواء ذكر أو أنثى لسلبه شىء يخصه أو أجباره على فعل لايريده.

التحرش يهدر كرامة الافراد والجماعات الانسانيه والمجتمعات .
===============================
والمجتمعات التى يصبح الانسان فيها من السهل أن يتعرض للتحرش
هو مجتمع قد أعلن للغير أنه مسموح للمجتمعات الاخرى أن تتحرش به
مجتمعنا منذ بدء التاريخ مهد الضمير الانسانى

الان مجتمعنا مستهدف بغرض تمزيقه وزرع الفتنه فيه وتحليل العلاقات الاجتماعيه وأفسادها
=================================================

سؤال لآى رجل؟
------------
من أغلى أنسان عندك وأنت على أستعداد على أن تفديه بعمرك؟
الاجابه
---------
ألام-------- الاب-------- الاخت

من يتحرش بأى أنثى هو يتحرش بوطنى وبشرفى وبوجودى

==============================

أستطراد

=========

المبادىء لاتجزء

=============

تطبيق المبدء لا علاقه له بالشخص الذى يطبق عليه فلا يجوز سرقة حرامى لآنه حرامى

=============================================

ولايجوز التحرش بأى أنثى مهما كان حالها

===========================

أنى متضامن مع السيده / آسر صاحبة مدونة skylight

------------------------------------------------

http://amyasser.blogspot.com/2009/02/blog-post.html